Светски познатата апликација The Bible App for Kids, или апликација „Библија за деца“ од скоро време е достапна (бесплатно) и на македонски јазик.
Апликацијата е неверојатно корисна алатка за воведување на децата во верата во нашиот Бог. Таа е интересна и интерактивна, со поуки и игри. Содржи 41 приказна од Библијата, која ќе го задржи вниманието на децата од 2 до 10 години, а со сигурност ќе измами насмевки на родителите, кои пак ќе се запознаат и ќе го продлабочат своето знаење на клучните настани од Библијата.
Македонскиот тим пред две години ги започнал преговорите за добивање на право за адаптација, а проектот бил одобрен на почетокот на 2020 г. Работата на преводот, лектурата и снимањето на епизодите започнала во месец јуни.
Голема благодарност до тимот кој неуморно работел на преводот, лектурата, а и сѐ уште работи на промоција на апликацијата. (Андреја Стефановски, Денис Александров, Никола Гиневски и Сашко Петровски). Синхронизацијата ја изврши Александар Митров, со благослов на владиката Јаков Стобиски. Благодарност и до Дејан Арсов од тимот на АБД за доставените информации.
Децата кои растат во Австралија, но и во останатите земји од англиското говорно подрачје, покрај користењето на англиската верзија ќе можат да се забавуваат, да учат за Бог, слушајќи и вежбајќи го македонскиот јазик.
Бог да им дарува небесни дарови на сите оние што се потрудија околу подготвувањето на верзијата на македонски јазик.
Нека е сé во слава на Бога!
Линкови:
Промоција: https://fb.watch/34ZA3N6vRy/
За преземање на апликацијата (download) www.bible.com/
