На крстот Твој се поклонуваме Владико и Твоето свето Воскресение го славиме!
На 19 Март во Третата Недела на Великиот пост, кога го чествуваме и му се поклонуваме на чесниот и животворниот крст Христов, во манастирот „Свети Прохор Пчински“ во Донибрук, се отслужи Неделна утрена и Света Божествена Литургија.
На Литургијата, верниот народ се поклони на животворниот крст, се заблагодари на Бога и се причести со Христовите Тајни.
Со силата на животворниот крст, Христе Боже, запази нѐ и нас од искушенијата на лукавиот и удостој нѐ да се поклониме на Твоите божествени страдања и на живоносното воскресение. Амин.
