Откако го видовме Христовото Воскресение, да Му се поклониме на светиот Господ Исус, Единствениот безгрешен. На твојот крст се поклонуваме, Христе, и Твоето свето Воскресение го воспеваме и славиме.
Христос Воскресна! Навистина Вокресна!
Во Соборната Црква, на Македонската Православна Црква, Епархија за Австралија и Нов Зеланд, „Раѓање на Пресвета Богородица“ во Сиденхам, во текот на Великата и Страсна седмица се богослужеа божествените Служби на Спасителните Христови страдања и Оплакувањето Христово, и во Неделата, беше објавено и прославено Светлото Христово Воскресение.
На Воскресната Литургија, многубројниот народ, го прослави Воскресението Христово и се причести со Светите Христови Тајни за отпуштање на гревовите и за живот вечен.
На Светол Понеделник, Втор ден Велигден, по Светата Божествена Литургија беше одржана традиционалната велигденска прослава.
14 и 15 Април, Свети Велик Петок и Сабота.
Воскресение Христово – Велигден
