Учители свети, вашиот спомен светло го празнуваме и од сѐсрце ве молиме, народите што ги збогативте со ризницата на Евангелието, утврдете ги врз каменот на Христовото исповедање, и нашиот живот во мир запазете го. (Светилен на светите Кирил и Методиј)
На 24 мај 2017 година, на Одание на празникот Воскресение, кога се празнува споменот на светите отци – словенските учители и просветители Кирил и Методиј, и на свештеномаченикот Мокиј Амфиполски, во манастирот Свети Прохор Пчински во Донибрук се отслужи Утрена Богослужба и Света Литургија.
На Литургијата, верните чеда молитвено ги прославија светите Кирил и Методиј, се заблагодарија на Бога и се причестија со Телото и Крвта Христови.
