Оние кои живеат без надзор над самите себе никојпат нема да се удостојат со посетата на благодатта.
Настојувај да внимаваш на себе, а не да ги разгледуваш делата, постапките и однесувањата на другите. Ако во другите не забележуваш љубов, тоа е затоа што ни самиот немаш љубов.
Верата се губи поради сомневањето. Божјиот страв – поради дрскоста, а духовните поуки стануваат недејствувачки поради празната љубопитност.
Како да се загрее изладената душа? Со Словото Божјо, со молитвата, со смирените и благодарни воздишки кон Бога во сите прилики, не само кога се менуваат надворешните околности, туку и нашите внатрешни состојби.
Имај желба, и Семоќниот Бог ќе ти даде според срцето твое, бидејќи почетокот и изворот на добродетелите е добрата волја и расположение, односно желбата за чинење добро во Господа.
Преподобен Пајсиј Величковски