ЗАЕДНО ЗА ЗАЧУВУВАЊЕ НА МАКЕДОНСКИОТ ИДЕНТИТЕТ, ВЕРА И ТРАДИЦИЈА
Македонската Православна Црква – Охридска Архиепископија, Епархија за Австралија и Нов Зеланд, започнува иницијатива за продлабочување на соработката и зацврстување на врските со македонските културни, спортски и општествени организации, кои со децении посветено придонесуваат за зачувување и афирмирање на македонскиот национален, духовен и културен идентитет во Австралија.
За таа цел, Неговото Високопреосвештенство, митрополитот Австралиско-новозеландски г. Никола, ќе оствари низа средби со претставници на македонските културно-уметнички друштва, фудбалски клубови, општествени здруженија и други организации во кои активно дејствуваат Македонците, придонесувајќи за негување и промовирање на македонската традиција, јазик, култура и национална самобитност.
Основната цел на оваа иницијатива е обединување на македонската заедница околу заедничките вредности, зацврстување на меѓусебната соработка и пренесување на богатото духовно и културно наследство на идните поколенија.
Македонската православна црква низ вековите била и останува духовен чувар на македонскиот народ, неговата вера, јазик, култура и традиција. Особено далеку од родната земја, Црквата и македонските културни организации имаат незаменлива улога во зачувувањето на нашите корени и во пренесувањето на националните и духовните вредности на младите поколенија.
Епархијата за Австралија и Нов Зеланд уште еднаш ја потврдува својата определба да биде отворена за соработка со сите македонски организации и здруженија што искрено работат за доброто, единството и напредокот на македонската заедница. Само преку единство, меѓусебна почит и заедничко дејствување можеме да го зачуваме она што ни го оставиле нашите предци и достоинствено да им го предадеме на идните генерации.
Во рамките на оваа благородна иницијатива, неодамна се одржа работна средба на Неговото Високопреосвештенство, митрополитот г. Никола, со г-динот Ромео Георгиев, претседател на Македонското културно-уметничко друштво „Јане Сандански“.
Во срдечна, пријателска и конструктивна атмосфера се разговараше за можностите за продлабочување на соработката, при што посебно внимание беше посветено на: организирање заеднички културни настани, проекти и манифестации; поддршка и поттикнување на младите генерации во изучувањето и негувањето на македонскиот јазик, фолклор и традиција; зацврстување на врските меѓу МПЦ-ОА, културните организации и пошироката македонска заедница во Австралија, итн.
TOGETHER FOR THE PRESERVATION OF MACEDONIAN IDENTITY, FAITH AND TRADITION
The Macedonian Orthodox Church – Ohrid Archbishopric, Diocese of Australia and New Zealand, is launching an initiative to deepen cooperation and strengthen ties with Macedonian cultural, sports and social organisations, which for decades have been dedicated to contributing to the preservation and affirmation of Macedonian national, spiritual and cultural identity in Australia.
For this purpose, His Eminence, Metropolitan Nikola of Australia and New Zealand, will hold a series of meetings with representatives of Macedonian cultural and artistic societies, football clubs, social associations and other organisations in which Macedonians are actively involved, contributing to the nurturing and promotion of Macedonian tradition, language, culture and national distinctiveness.
The main objective of this initiative is to unite the Macedonian community around shared values, strengthen mutual cooperation and pass on the rich spiritual and cultural heritage to future generations.
Throughout the centuries, the Macedonian Orthodox Church has been and remains the spiritual guardian of the Macedonian people, their faith, language, culture and tradition. Particularly far from the homeland, the Church and Macedonian cultural organisations have an irreplaceable role in preserving our roots and passing on national and spiritual values to the younger generations.
The Diocese of Australia and New Zealand once again reaffirms its commitment to being open to cooperation with all Macedonian organisations and associations that sincerely work for the well-being, unity and progress of the Macedonian community. Only through unity, mutual respect and joint action can we preserve what our ancestors have left us and pass it on with dignity to future generations.
As part of this noble initiative, a working meeting was recently held between His Eminence, Metropolitan Nikola, and Mr Romeo Georgiev, President of the Macedonian Cultural and Artistic Society “Jane Sandanski”.
In a cordial, friendly and constructive atmosphere, discussions were held on the possibilities for deepening cooperation, with particular attention devoted to: organising joint cultural events, projects and manifestations; supporting and encouraging younger generations in learning and nurturing the Macedonian language, folklore and tradition; strengthening ties between the Macedonian Orthodox Church – Ohrid Archbishopric, cultural organisations and the wider Macedonian community in Australia, etc.
