Христос Воскресна!
На 16 април, 2026 година, во четвртокот од Светлата седмица, во навечерието на празникот Источен Петок – Балаклија, кога Црквата го празнува споменот на чудата на Животворниот Извор на Пресвета Богородица, Неговото Високопреосвештенство Митрополитот Австралиски и Новозеландски г. Никола, отслужи Воскресна вечерна Богослужба (едноцрквие) во Манастирот “Свети Прохор Пчински” во Донибрук.
На Богослужбата се изврши чинот благословување и осветување на принесените петолебија.
По Богослужбата се направи Литија до изворот на Минералната вода и се отслужи Канонот на Пресвета Богородица.
Утредента, на 17 април 2026 година, по отслужената Пасхална утрена Богослужба, Митрополитот Австралиски и Новозеландски г. Никола, началствуваше на Светата Архиерејска Литургија (едноцрквие) во Манастирот “Свети Прохор Пчински” – Донибрук.
На Литургијата, верниот народ се заблагодари на Бога и се причести со Светите Христови Тајни.
По извршениот водосвет и благословувањето на празничниот леб и коливо, во манастирската сала беше послужена празнична трпеза.
Навистина Воскресна!
Фото галерија:
