Вечерта на 19 јануари 2026 г. во храмот Собор на Пресвета Богородица во Аделаид Јужна Австралија, Неговото Високопреосвештенство Митрополитот Преспанско – пелагониски и Администратор Австралиско – Новозеландски г. Петар богослужеше Вечерна богослужба.
Утрото на 20 јануари кога го славиме Соборот на Светиот Пророк и Претеча Јован, Митрополитот г. Петар богослужеше Утрена и Света Архиерејска литургија во сослужение со парохискиот свештеник: протоереј Јованчо Сумрачки.
На Литургијата присуствуваше и монахињата од манастирот Илајн од Викторија на СПЦ – монахињата Ана.
Верниот народ се причести со светите Христови Тајни, а потоа беше послужена и трпеза на љубовта. Верниците од оваа црковна општина му го честитаа 30 годишниот јубилеј на нашиот Митрополит и се помилија за негово здравје и спасение.
Долгоденствуј владико свет!
