Песнопеенија од Првата седмица на Великиот Пост

1930

Да постиме со пост пријатен, благоугоден на Господа: постот е бегање од злото, воздржување на јазикот, отфрлање на гневот, похотите, озборувањето, лагата, прекршувањето на даденото ветување. Ако овие нешта ги оставиме, постот е вистински и благопријатен.

Стихира од понеделникот, глас 3


Дојдете усрдно, тврдото оружје на постот да ги имаме како штит, за да се одвратиме, верни, од секаков напад на ѓаволската измама. Да не се потпалиме од сладоносните страсти и од огнот на искушенијата да не се исплашиме оти преку нив, Христос Човекољубецот со почести на трпението нè овенчува. Затоа смело молејќи се, да паднеме пред Него извикувајќи и барајќи мир, и голема милост за душите наши.

Стихира од Теодор Студит, глас 5


Оди, бедна душо, со телото твое, на Творецот на сé исповедај се, и од поранешното безумство ослободи се; и во покајание, на Бога солзи принеси му.

Како блудницата, и јас солзи леам пред Тебе, Штедар! Очисти ме, Спасителу, со Твоето милосрдие.

од Големиот Канон на светиот Андреј Критски

Previous articleThe fear of God makes a person wise
Next articleIn the days of the Great Lent put yourself in order